லண்டன் ஓவல் மைதானத்தில் இங்கிலாந்துக்கு எதிரான டெஸ்ட் வெற்றியைத் தொடர்ந்து ஆறு இலங்கை வீரர்கள், அண்மைய ஐசிசி ஆடவர் டெஸ்ட் தரவரிசையில் முன்னேற்றம் கண்டுள்ளனர்.
இலங்கை அணி அண்மையில் முடிவடைந்த டெஸ்ட் தொடரின் மூன்றாவது போட்டியில் இங்கிலாந்துக்கு எதிரான முதல் வெற்றியை பெற்றது.
இந்த வெற்றியின் பின்னர் அணித் தலைவர் தனஞ்சய டி சில்வா, நடுத்தர வரிசை வீரர் கமிந்து மெண்டிஸ் மற்றும் தொடக்க ஆட்டக்காரர் பாத்தும் நிஸ்ஸங்க ஆகியோர் ஐசிசி டெஸ்ட் தரவரிசையில் முன்னேறியுள்ளனர்.
மூன்றாவது டெஸ்ட் போட்டியின் முதல் இன்னிங்ஸில் 69 ஓட்டங்களுடன் இலங்கை அணிக்காக அதிக ஓட்டங்களை பெற்ற தனஞ்சய டி சில்வா, மூன்று இடங்கள் முன்னேறி தரவரிசையில் 13 ஆவது இடத்துக்கு வந்தார்.
அதேநேரம், மூன்றாவது டெஸ்ட்டின் முதல் இன்னிங்ஸில் 64 ஓட்டங்களையும், இரண்டாவது இன்னிங்ஸில் 127 ஓட்டங்களையும் ஆட்டமிழக்காது பெற்ற இலங்கையின் ஆரம்ப துடுப்பாட்ட வீரர் பத்தும் நிஸங்க 42 ஆவது இடத்திலிருந்து 39 ஆவது இடத்துக்கு முன்னேறினார்.
அத்துடன் கமிந்து மெண்டீஸ் 6 இடங்கள் முன்னேறி 19 ஆவது இடத்துக்கு சென்றார்.
இதேவேளை, மூன்றாவது போட்டியில் இங்கிலாந்து அணியின் ஜோ ரூட் வெறும் 13 மற்றும் 12 ஓட்டங்களை எடுத்திருந்தாலும், தரவரிசையில் நம்பர் 1 இடத்தை தக்க வைத்துக் கொண்டார்.
இருப்பினும் வலது கை ஆட்டக்காரரின் ரேட்டிங் புள்ளிகள் 922 இலிருந்து 899 ஆக சரிந்துள்ளமை குறிப்பிடத்தக்கது.